Потпишан Меморандум за соработка помеѓу Инспекциски совет, Државен управен инспекторат и Инспекторат за употреба на јзиците
На ден 24.02.2021 година, во просториите на Инспекциски совет, членот Јулијана Силјановска, по овластување на претседателот на Инспекциски совет, г-ѓа Кети Василеска, в.д. директорка на Државениот управен инспекторат и г.Фатмир Исени, директор на Инспекторатот за употреба на јзиците потпишаа Меморандум за соработка помеѓу Инспекциски совет, Државен управен инспекторат и Инспекторат за употреба на јзиците.
Целта на овој Меморандум за соработка е обезбедување на стручна поддршка од страна на ДУИ, во исполнувањето на обврските на ИУЈ за спроведување на деветмесечната практична работа и обука на работно место, за стекнување на лиценца за инспектор, за кандидатите за инспектори за надзор над употребата на јазиците, под надзор на ментор.
Улогата на Инспекциски совет е мониторинг над спроведувањето на активностите предвидени со овој Меморандум за соработка.