Месец: м.г

Денеска на 9.6.2022 год., во просториите на Јавното претпријатие Службен весник на Република Северна Македонија, в. д. директорот, м-р Владимир Кроневски одржа работен состанок со в. д. претседателката на Инспекцискиот совет на Република Северна Македонија, Даниела Рендевска и Оља Петрушевска Томева, проектен координатор на ЕБРД во Инспекциски совет. На средбата се разговараше за можностите за напредување со досегашната соработка, а посебен акцент беше ставен на проектот Е-инспектор, кој е поддржан од ЕБРД, и достапноста на законската регулатива, за инспекциските служби, преку е-базата на прописите на ЈП Службен весник на РСМ.

 

На 7.6.2022 година во просториите на Инспекцискиот совет, в.д. претседателката на Инспекцискиот совет, Даниела Рендевска заедно со членот на Инспекциски совет од Областа на градежништво, урбанизам, комунални работи и транспорт, Ресул Шемо, одржаа работна средба со директорот на Регулаторната Комисија за Домување, Зоран Маџовски и пратеникот од актуелниот состав на Собранието на Република Северна Македонија, Љупчо Балковски.

Средбата беше одржана на барање на директорот на Регулаторната Комисија за Домување и на истата беа разгледани актуаелни прашања и проблематики од доменот на домувањето и материјата регулирана со Законот за домување.

На средбата се разменија информации за предизвиците со кои се соочува Регулаторната Комисија за Домување, кадровската екипираност на Општините со општински инспектори за домување, како и потребата за координирано дејствување на институциите преку развивање на стратегија на натамошно дејствување.

Присутните лица заклучија дека меѓуинституционалната соработка ќе продолжи и во иднина, преку заедничко промовирање на Законот за домување, креирање на нови политики и дефинирање на евентуалните недостатоци во практичната примена на законот и нивно преточување во конкретни предлози за измена и дополна на постоечките законски решенија со кои се регулира  колективното домување.

Во периодот 02-03 јуни во Охрид, во организација на Инспекцискиот совет и Центарот за развојни политики – Идеас Депо, а во рамки на Активноста – Техничка помош за инспекциските реформи,  поддржан од Проектот на УСАИД за Граѓанско учество, се одржа Форум на засегнати страни на тема превенција од корупција во инспекцискиот систем и наставна програма за обука за интегритет на инспекторите. На форумот активно учество земаа Државниот пазарен инспекторат, Државниот инспекторат за животна средина, Државниот санитарен и здравствен инспекторат, претставници од Кабинетот на Заменик на Претседателот на Владата задолжен за политики за добро владеење, како и надлежните членови од Инспекцискиот совет.