Mbahet takimi mes Këshillit të Inspektimit dhe Bankës Evropiane për Rindërtim dhe Zhvillim
Më datë 24 mars 2022 në ambientet e Këshillit të Inspektimit u zhvillua mbledhja fillestare për zgjerimin e bashkëpunimit mes Këshillit të Inspektimit dhe BERZH. Qëllimi i fazës së tretë të këtij bashkëpunimi është zbatimi i projektit të ri – E-inspektor – vazhdimi i mbështetjes për reformat inspektuese në Republikën e Maqedonisë së Veriut.
Në takim morën pjesë Presidentja Magdalena Filipovska Grashkoska, anëtarë të Këshillit Inspektues dhe Drejtuesja Operacionale dhe Menaxhere e Projektit Endrita Xhaferaj nga zyra e BERZH në Tiranë, Shqipëri.
Në takim u theksuan bashkëpunimi dyvjeçar i suksesshëm mes BERZH dhe Këshillit të Inspektimit, rezultatet e arritura, si dhe synimet dhe aktivitetet e planifikuara në kuadër të projektit të ri. Projekti parashikon zhvillimin e 13 moduleve të reja për dixhitalizimin dhe automatizimin e procedurës së inspektimit dhe mbikëqyrjen për 13 inspektorate, me qëllim rritjen e transparencës dhe uljen e mundësive për korrupsion. Projekti do të realizohet brenda 18 muajve.