Потпишан договор меѓу Инспекцискиот Совет и Министерството за информатичко општество и администрација


На 23.06.2022 година во просториите на Инспекцискиот совет, в.д. претседателката на Инспекцискиот совет, Даниела Рендевска и министерот за информатичко општество и администрација, Admirim Aliti, потпишаа Договор за давање на трајно користење на движна ствар без надомест, врз основа на Одлуката за престанок и за давање на трајно користење на движна ствар на Инспекциски совет бр. 41-3864/1 од 03.05.2022 година, донесена од Владата на Република Северна Македонија.
Предмет на овој договор е уредување на правата и обврските за начинот на користење, чување и одржување на софтверската програма за автоматизација на инспекциската постапка и инспекциското работење (Е-инспектор).

Платфортмата Е- инспектор започна како Пилот проект во кој беа вклучени три инспекторати (Државен пазарен инспекторат, Државен инспекторат за труд и Државен управен инспекторат), во рамки на Проектот за модернизација на инспекциските служби, финансиран од УСАИД, а имплементиран од Министерството за информатичко општество и администрација во соработка со Инспекцискиот Совет.
Во моментов Е-инспектор се изработува со поддршка на ЕБОР и проектот ќе трае 18 месеци, односно истиот започна во февруари 2022 година и ќе трае се до август 2023 година под капата на Инспекцискиот совет. Во проектот се опфатени 13 инспекциски служби (Државен инспекторат за земјоделство, Државен просветен инспекторат, Државен санитарен и здравствен инспекторат, Државен инспекторат за шумарство и ловство, Агенција за храна и ветеринарство, Државен инспекторат за транспорт, Државен инспекторат за животна средина, Државен инспекторат за техничка инспекција, Државен инспекторат за градежништво и урбанизам, Државен комунален инспекторат, Инспекторат за употреба на јазиците, Државен инспекторат за локална самоуправа и Државен девизен инспекторат), за кои треба да се изработат 13 нови модули за вклучување на Е-инспектор.
Идејата на платформата Е-инспектор е поврзување на сите 28 инспекциски служби кои се во надлежност на Инспекцискиот совет, до крајот на 2024 година.

The web portal is developed with the support of the EBRD Project "Support to Improve the Efficiency of Inspection Authorities in North Macedonia". The information published on this website does not reflect the views of the European Bank for Reconstruction and Development nor the Government of Luxembourg.

Bul: Dame Gruev 3, block 2, local 5

1000 Skopje

Republic of North Macedonia

Contact telephone: +389 02 310 30 30

Email address: contact@is.gov.mk