Средба меѓу инспекциски совет и претставници од Државниот санитарен и здравствен инспекторат, Државниот инспекторат за животна средина и Агенцијата за лекови и медицински средства


 

На ден 18.05.2022 година во просториите на Инспекцискиот совет, в.д. претседателката на Инспекцискиот совет Даниела Рендевска заедно со членот на Инспекциски совет од Областа на животна средина и здравје на луѓето Влатко Серафимов одржаа работна средба со в.д. директорката на Државниот санитарен и здравствен инспекторат Иринка Сотирова Бухова, в.д. директорот на Државниот инспекторат за животна средина Сретен Стојкоски и  и раководителот на Одделението за инспекциски надзор од областа на лековите и медицинските средства во Агенцијата за лекови и медицински средства Мирјана Дончева. На средбата се разговараше за тековните проекти кои се спроведуваат во Инспекцискиот совет, со посебен акцент на проектот Е-инспектор, којшто е финансиран од EBRD.

В.д. претседателката ги информираше присутните за новиот проект финансиран од USAID, кој ќе се спроведува во наредните три месеци, чија главна цел е анализа на спроведувањето на Законот за инспекциски надзор. Дополнително, во рамки на проектот ќе биде подготвена Анализа на ризик за точки подлежни на корупција при процесите за работа во инспекциските служби од областа на ДСЗИ и ДИЖС.

На средбата се разменија информации за предизвиците со кои се соочуваат инспекциските служби и се заклучи дека досегашната соработка ќе продолжи и во иднина.

Веб порталот е изработен со поддршка на Проектот на ЕБОР – „Поддршка за подобрување на ефективноста на инспекциските служби во Северна Македонија“. Информациите објавени на оваа веб страница не ги одразуваат ставовите на Европската банка за обнова и развој или Владата на Луксембург.

ул. Даме Груев бр.3 блок 2, локал 5

1000 Скопје

Република Северна Македонија

Контакт телефон: +389 02 310 30 30

Електронска адреса: contact@is.gov.mk