Година: Г

Претседателката на Инспекциски совет Даниела Рендевска заедно со членовите Влатко Серафимов,  Ресул Шемо, Меџит Јусуфи, Ќерамедин Селими и Благоја Гешовски во рамки на работната неделна агенда насловена како „ ИНФО денови со локалните инспекциски служби ” оствари средби со:

– Градоначалникот на општина Валандово Перо Костадинов , Градоначалникот на општина Богданци Блашко Шапов, Градоначалникот на општина Неготино Горан Стојанов, секретарот на општната и инспекторите, Градоначалникот на општина Боговиње Бесник Емшиу и инспекторите, Градоначалникот на општина Врапчиште Исен Шабани , секретарот на општината и инспектор, општина Гостивар и Брвеница која ја претставија Општинскиот секретар и инспекторите од општината.

На средбите со Општините се разменија искуства во однос на примената на Законот за инспекциски надзор,се разговараше за сите отворени прашања кои се дел од работната агенда со цел продолжување и унапредување на соработката меѓу државните и општинските инспектори.

 

 

 

Претседателката на Инспекциски совет Даниела Рендевска заедно со членот Ресул Шемо во рамки на работната агенда насловена како „ИНФО денови со локалните инспекциски служби“ со денешната и вчерашната посети ги опфатија Општина Струга, Општина Вевчани, Општина Охрид и Општина Дебрца и остварија средби со:
– Градоначалникот на општина Охрид Кирил Пецаков и секретарот на општината Александар Китески
– Градоначалникот на Општина Дебрца Зоран Ногачески
– Градноначалникот на Општина Вевчани Спасе Кочовски и
– Раководителот на Инспекциската служба при Општина Струга
На средбите со Општина Охрид и Општина Струга се разменија искуства во однос на примената на Законот за инспекциски надзор, како и продолжување и унапредување на соработката меѓу државните и општинските инспектори.
Општините Вевчани и Општина Дебрца немаат општински инспектори и во разговорите со нив беше ставен акцет на можностите за вработување на општински инспектори.
Инспекцискиот совет продолжува да остварува посети низ целата држава.

 

Претседателката на Инспекциски совет Даниела Рендевска заедно со членот Влатко Серафимов на денешните ИНФО деновите со локалните инспекциски служби ги посетија:

– Општина Карпош каде остваривме средба со Градоначалникот Стевчо Јакимовски и раководителката на Секторот Инспекторат при Општина Карпош, Богданка Милошевиќ Мучева,  и

– Општина Ѓорче Петров на која беа присутни Градоначалникот Александар Стојкоски, инспекторите од Општината и останати претставници.

На средбите се разговараше за сите отворени прашања кои се дел од работната агенда насловена како „ИНФО денови со локалните инспекциски служби“. Имено, „ИНФО деновите“ коишто се од информативно – советодавен карактер, се одржуваат со цел да се помогне на општинските инспекциски служби доследно да го применуваат Законот за инспекциски надзор.

Инспекцискиот совет продолжува со посета на општините низ цела Република Северна Македонија.

 

Членовите на Инспекциски совет Игор Вељаноски и Ресул Шемо со денешната посета на две Општини ги продолжуваат веќе започнатите ИНФО деновите со локалните инспекциски служби.
Денешната агенда ги опфати посетите на Општина Аеродром и Општина Кисела Вода. Членовите на Инспекцискиот совет остварија средби со Градоначалникот на Општина Аеродром Тимчо Муцунски, раководителот на инспекциската служба Елена Јошевска Стојановска и секретарот на општината Јулијана Павковска Боцевски, како и со Градоначалникот на Општина Кисела Вода, Орце Ѓорѓиевски, градежниот инспектор Златко Бојаџиев и шефот на кабинетот на Градоначалникот, Кирил Митревски. На средбите се разговараше за сите отворените прашања кои се однесуваат на работењето на општинските инспектори и истите се со плоден исход за понатамошна соработка.
Претседателот на Инспекцискиот совет информира дека ИНФО деновите ќе бидат од информативен и советодавен карактер со цел да помогнеме во доследна примена на Законот за инспекциски надзор.
Инспекцискиот совет ги продолжува посетите на општините низ цела Република Северна Македонија и во наредниот период.

 

 

 

Претседателката на Инспекциски совет Даниела Рендевска заедно со членот Влатко Серафимов со денешните посети ги започнаа ИНФО деновите со локалните инспекциски служби.

Започнавме со Општина Центар каде остваривме работна средба со Градоначалникот Горан Герасимовски и раководителот на инспекциската служба Мирослав Богдановски, како и со претставници од инспекциската служба на Град Скопје. На средбите  се разговараше за сите отворените прашања кои се однесуваат на работењето на општинските инспектори и истите се со  плоден исход за понатамошна соработка.

Рендевска информира “ИНФО деновите ќе бидат од информативен и советодавен карактер со цел да помогнеме во доследна примена на Законот за инспекциски надзор”.

Инспекцискиот совет продолжува со посета на општините низ цела Република Северна Македонија.