Автор: e.dimoski

Денес по просториите на Инспекциски совет се одржа координативен состанок, кој го отвори Заменик на Претседателот на Влада на РСМ за политики на добро владеење Славица Грковска и  Претседателката Даниела Рендевска ,а на истиот беа присутни членовите на ИС , претставници од Агенцијата за заштита на личните податоци и директорите\ раководителите на инспекциските служби.

Разговаравме за соодветната законска форма за објавување на записниците од завршените надзори и за сите останати дилеми поврзани со унапредување на транспарентноста на инспекциските служби.

Инспекторите се лицето на институцијата и на државата ,затоа што тие се во секојдневен контакт со граѓаните.

На состанокот се осврнавме на значењето за дигитализацијата на инспекциската постапка , со која драстично се намалуваат ризиците од корупција при вршењето на надзорите. Инспекторатите кои се дел од Е – инспектор веќе ги согледуваат придобивките од дигитализацијата во секојдневната работа и затоа е важно да се продолжи со интензивни подготовки во оваа насока и за сите останати инспекциски служби.

На ден 11.09.2023 година, во просториите на Инспекцискиот совет, се одржа воведна сесија во врска со почетокот на интерактивната обука за кандидатите за инспектори, која согласно календарот односно деталниот распоред на изведување на модулите од програмата за интерактивна обука за стекнување со лиценца за инспектор, ќе се одвива од почетокот на месец септември до почетокот на месец декември 2023 година.

На воведната сесија, кандидатите за инспектори беа поздравени од членовите на Инспекцискиот совет: Меџит Јусуфи, Игор Вељаноски, Благоја Гешовски и Ресул Шемо, како и од дел од стручната служба на Советот а воедно им беше презентиран и целиот концепт во врска со почетокот на интерактивната обука.

Целта на оваа сесија е кандидатите за инспектори да се запознаат подетално со содржината на Програмата (сите 8 модули), начинот на спроведување на обуката, обучувачите кои ќе бидат ангажирани за одделните модули, распоредот на изведување на обуката, како и со други технички детали за користењето на  ЛМС платформата за електронско следење на обуки.

Претседателката на Инспекциски совет Даниела Рендевска заедно со членовите Влатко Серафимов,  Ресул Шемо, Меџит Јусуфи, Ќерамедин Селими и Благоја Гешовски во рамки на работната неделна агенда насловена како „ ИНФО денови со локалните инспекциски служби ” оствари средби со:

– Градоначалникот на општина Валандово Перо Костадинов , Градоначалникот на општина Богданци Блашко Шапов, Градоначалникот на општина Неготино Горан Стојанов, секретарот на општната и инспекторите, Градоначалникот на општина Боговиње Бесник Емшиу и инспекторите, Градоначалникот на општина Врапчиште Исен Шабани , секретарот на општината и инспектор, општина Гостивар и Брвеница која ја претставија Општинскиот секретар и инспекторите од општината.

На средбите со Општините се разменија искуства во однос на примената на Законот за инспекциски надзор,се разговараше за сите отворени прашања кои се дел од работната агенда со цел продолжување и унапредување на соработката меѓу државните и општинските инспектори.

Претседателката на Инспекциски совет Даниела Рендевска заедно со членот Ресул Шемо во рамки на работната агенда насловена како „ИНФО денови со локалните инспекциски служби“ со денешната и вчерашната посети ги опфатија Општина Струга, Општина Вевчани, Општина Охрид и Општина Дебрца и остварија средби со:
– Градоначалникот на општина Охрид Кирил Пецаков и секретарот на општината Александар Китески
– Градоначалникот на Општина Дебрца Зоран Ногачески
– Градноначалникот на Општина Вевчани Спасе Кочовски и
– Раководителот на Инспекциската служба при Општина Струга
На средбите со Општина Охрид и Општина Струга се разменија искуства во однос на примената на Законот за инспекциски надзор, како и продолжување и унапредување на соработката меѓу државните и општинските инспектори.
Општините Вевчани и Општина Дебрца немаат општински инспектори и во разговорите со нив беше ставен акцет на можностите за вработување на општински инспектори.
Инспекцискиот совет продолжува да остварува посети низ целата држава.