Kandidatët për inspektorë
Të nderuar inspektorë të ardhshëm,
Ligji i ri për inspektim (“Gazeta zyrtare e Republikës së Maqedonisë Veriore” nr. 102/19) prezanton për herë të parë termin “kandidatë për inspektor”, sepse paraqet një sistem krejtësisht të ri për punësimin e inspektorëve. Gjegjësisht, për të fituar statusin e inspektorit, së pari duhet të kaloni një proces trajnimi, i cili në varësi të mënyrës së punësimit, mund të zgjasë nga 9 në 12 muaj.
Gjatë kësaj kohe ju përgatitni dhe përvetësoni njohuritë dhe aftësitë që do t’ju nevojiten në kryerjen e detyrës së inspektimit. Por, para se të filloni të bëni inspektime, duhet të merrni një licencë të duhur inspektori.
Kjo është arsyeja pse, në këto faqe do të keni të gjithë informacionin që ju nevojitet për të studiuar dhe për të dhënë provimin e licencës. Informacioni është grupuar në katër kategori: 1) trajnim ndërveprues, 2) trajnim praktik, 3) provim i licencës së inspektorit dhe 4) baza e pyetjeve të provimit. Për më tepër, të gjithë kandidatët për inspektor do të mund të lidhen drejtpërdrejt me platformën e-mësimit nga këtu, e cila përmban të gjithë përmbajtjen e nevojshme për modulet e Programit të Trajnimit Interaktiv.
