Paraqitni parashtresën online në Këshillin te Inspektimit
Të nderuar përdorues,
Në bazë të nenit 18, paragrafi (1), pika 19 të Ligjit për Mbikëqyrjen Inspektoriale (Gazeta Zyrtare e Republikës së Maqedonisë së Veriut Nr. 102/2019), Këshilli i Inspektorateve: “vepron me parashtresa nga persona fizikë ose juridikë, lidhur me punën e inspektorëve, shërbimet e inspektimit dhe / ose subjektet e mbikëqyrjes në inspektorat”. Në këtë kontekst, si parashtresë konsiderohet çdo propozim ose iniciativë për kryerjen e mbikëqyrjes së inspektimit .
Dëshirojmë të theksojmë se në përputhje me nenin 2, paragrafi (2) të Ligjit për Mbikëqyrjen Inspektoriale, Këshilli Inspektorial ka kompetencë që ka të bëjë me shërbimet inspektoriale të pushtetit qendror, por jo edhe me shërbimet inspektoriale të vetëqeverisjes lokale. Prandaj, nëse parashtresa juaj ka të bëjë me punën e inspektorëve komunal dhe shërbimeve inspektoriale të organizuara brenda njësive të vetëqeverisjes lokale, ju lutemi paraqisni atë në administratën përkatëse komunale.
Përmes këtij shërbimi në internet, ne ju ofrojmë mundësinë për të paraqitur parashtresën tuaj online. Ju lutemi, gjatë dhënies së përgjigjeve në pyetjet e parashtruara, të jepni përgjigje të sakta dhe gjithëpërfshirëse, të cilat do të na mundësojnë të veprojmë në mënyrën më të shpejtë dhe më efikase, sipas parashtresës suaj.
